「中國大媽」瘋狂搶金，亦無阻黃金跌勢，金價今年以來跌近一成八。（新華社圖片） 

亂市出擊揀靚股

金匯撈底　低吸黃金澳元

今年四月黃金慘遭洗倉，不少投資者乘機「撈底」，最勇要數統稱「中國大媽」的內地投資者。金價雖已反彈，但今年以來仍累跌近一成八。專家估計，在下半年強美元的環境下，金價將先跌至一千二百美元，但第四季有機會重回一千五百元。另外，以往大受港人歡迎的澳紐元，近日愈跌愈有，但下半年將重拾動力，專家建議可趁機低吸。

黃國英多年來儲起之熊貓金幣總值達二百萬港元，存放於銀行保險箱，只買不賣，做長線投資。（黃國英提供） 

眼見瘋狂搶金的「中國大媽」即買即輸後，人人擔心金價低處未見低，但「揸住成手貨」的豐盛金融資產管理董事黃國英卻未驚過。鍾情於買熊貓金幣的他，○四年開始入貨，貪其產量少、有炒賣價值，「當時金價只係（每盎斯）四百美金，但收入唔多，唔敢買太多。直至○七年，金價升到上七百蚊先買得多，跌一跌就買幾個。」至今他已儲落近二十個金幣，每個五盎斯，平均買入價每盎斯八百至一千美元。金價跌，他直言會減少掃貨，但不會沽貨：「金融海嘯嗰時，好彩揸住啲金、白金、銀，算係有啲資產，唔使亂咁斬股票，依家先賺咁多咋！」

金價先跌後升

早前金價大跌，金銀業貿易場理事長張德熙大呼跌到一地眼鏡碎，他指受央行吸納帶動，金價將於第四季重回一千七百水平。（嚴寶權攝） 

(繼續閱讀...)